ИТМ (индекс на телесна маса; од англиски BMI – Body Mass Index) е број што се добива со математичка формула, со кој се пресметува тежината во однос на висината, а се користи за споредување и за анализирање на влијанието на телесната тежина врз здравјето.
Уште од средината на осмата деценија на XX век, ИТМ во многу земји се користи за дефинирање на медицинските стандарди за прекумерна дебелина, а овој начин на проценка се користи и во статистичката евиденција на Светската здравствена организација (WHO).
Објаснување на ИТМ
Вашиот индекс на телесна маса претставува само статистичка проценка на вашата тежина. Некој може да има ИТМ во зоната на прекумерна тежина, а тоа да не мора да значи дека е тој човек навистина дебел. Најдобар пример за тоа се луѓето што се занимаваат со бодибилдинг, кај кои, заради високиот процент мускулна маса, ИТМ може да биде покачен над нормалата.
ИТМ 
